مشاكل خاصة بالمسكن!

ـــــــــــ

حرمونا من الشمس والهواء والرؤية! 

بنوا عمارتهم علي حافة منورنا
* ياللي قاعدين يكفيكم شر الجايين!
* قاعدين في شقتنا كافيين خيرنا شرنا ، والبلاوى مش سايبانا ف حالنل!
آهي العمارتين اللي جارى هدمهم بجوارنا ، مالناش علاقة بيهم ، باستثناء المنور اللي تطل عليه عدة منافذ للشقة ، وجم هم وبنوا علي حافة المنور ده ، بعدما هدموا الفيلا وأقاموا مكانها هاتين العمارتين!
فتكون النتيجة إننا واللي شاغلين الشقق اللي علي هذا الجانب ، نتحمل تداعيات عملية الهدم ، وخاصة التراب اللي غمر الشقة ومش قادرين نمنعه ، مهما استحكمنا غلق المنافذ ، لدرجة تغطية كل المسطحات والأجهزة والأثاث بالأتربة ، بل وكتم أنفاسنا ووتعكير أبصارنا!..للمزيد

خصوصيات السكندريين

ــــــــــ

كوبرى استانلي

* انتوا مبتروحوش اسكندريه ليه ياجماعه يوم حتى وترجعوا

- زهقان و عايز تكسر الملل و الروتين

اطلع اسكندرية الصبح بدري ساعتين بالقطار انزل محطة الرمل افطر بقى من عند جاد بتاع البنوك او محمد احمد اشهر محل فول و فلافل

واطلع بعد كده علي مكتبة اسكندرية خدلك جولة سريعة و اجمل صور و ثقافة لعلمك فيها المتحف الوحيد اللي في العالم اللي بيعرض قطع اثريه اكتشفت في نفس مكان المتحف  

و بعدها اطلع علي القلعة و متنساش وانت داخل خدلك ايس كريم من مكرم او الصعيدي مش هقولك الغدا عشان اسكندرية منيو مش هيخلص بس لازم اكلة السمك متمشيش الا ماتاكل اكلة السمك الاسكندراني

نيجي بقى لمكان الصورة دي هتسافر اليونان و انت في اسكندرية اسال علي النادي اليوناني انت وصلت اليونان خلاص ومتنساش تاخد القهوة بتاعتك عند سلطنة ستانلي و تاخد كام صورة حلوين علي كوبري ستانلي للذكري

#اسكندرية_قادرة_تسعدك

* ليه بنقول اسكندرية دولة؟: 

بص يا سيدى

مدينة فيها ٤موانى (ميناء الإسكندرية / ميناء الدخيلة/ ميناء أبوقير/ ميناء سيدى كرير للبترول )

مدينة فيها مطارين ( مطار النزهة / مطار برج العرب )

مدينة فيها مدينة صناعية ( برج العرب )

مدينة بها منطقة حرة (المنطقة الحرة بالعامرية )

مدينة بها مناطق زراعية ( أبيس بقراها و الهوارية بقراها )

مدينة بها ٧٠ فى المائة من الصناعات البترولية

مدينة بها ٤٠ فى المائة من صناعات مصر

مدينة بها ٢ من أكبر محطات توليد الطاقة الكهربائية (أبوقير و سيدى كرير )

مدينة فيها ٤ جامعات ( جامعة الإسكندرية /جامعة فاروس / الأكاديمية العربية للنقل و التكنولوجيا / الجامعة اليابانية )

مدينة حصل احد خريجى جامعتها على جايزة نوبل

مدينة بها ٦ متاحف

مدينة بها أكبر صرح ثقافى فى مصر (مكتبة الإسكندرية )

مدينة بها الكنيسة المرقسية مقر الكنيسة المصرية و أول كنيسة فى مصر ( كنيسة بوكاليا) وأول من أمن بدعوة السيد المسيح عليه السلام سكندرى هو الأسكافى

مدينة بها أكبر عدد من مقابر أولياء الله الصالحين

مدينة هى أول مدينة أستقر بها المسلمون فى مصر وانشئ بها جامعين هم من أول ٥ مساجد فى مصر ( جامع الألف عمود و جامع العطارين / الجامعة الشرقى )

مدينة بها ٢ من أعظم القصور الملكية

مدينة بها ٣ استادات رياضية منهم أقدم أستاد فى الشرق

مدينة بها سيد البلد (الإتحاد السكندرى )

مدينة لها تاريخ يمتد إلى ٣٥٠٠ سنة

تانى مدينة فى العالم بعد روما كان لها مواطنة خاصة

مدينة جاء منها أسم مصر باللغة الإنجليزية (Egypt) فالاقباط أو أيجبتوس هم السكندرين وبالدليل

مدينة اخترعت أحدى أشهر الأكلات (الفلافل) فى العصر البيزنطى القبطى ليتناولها الصائمون

مدينة بها أقدم محطة قطار فى الشرق

مدينة فيها أقدم خط مواصلات داخلى (قطار / تروماى الرمل )

مدينة بها مقر أول اسطول مصرى فى العصر القديم و الحديث

أول صورة التقطت فى مصر كانت بالإسكندرية

أول عرض سينمائى كان بالإسكندرية

أول فيلم سينمائى صور فى مصر كان بالإسكندرية

أول بنك أنشئ فى مصر كان فى الإسكندرية

مدينة من أبنائها مجدد الموسيقى المصرية و ملحن نشيدها القومي سيد درويش

أول مسرح انشئ فى مصر المسرح الفرنسى ثم المسرح الأيطالى ثم مسرح زيزنيا

مدينة لها عملة خاصة بها وهو الجنى

وأخيرا مدينة بها شعب يعشقها و يعشق ترابها

دولة دى ولا مش دولة

أنها مدينة نفخر بها

 

الإسكندرية اليومبعد "التطوير"!
 * لو انت إسكندراني أصلي يبقي لازم تكون عارف بدارة وشفيقة وبحر ابوجريشه وعبده الأسكندراني والشبخ أمين وسماح وعزت عوض الله وإبراهيم عبد الشفيع وأسامه رؤوف وإكرام وحوده ورمانه ومنى وشريف والبيضا دياب والسيد حلال عليه والسيده العمري والكتعه والعربي حنون والشنكحاوي والزعبلاوي واولاد دياب وحفني احمد حسن وشراره وعكاشه والحبروك وولاد علي بمبه والمرضي محمد وعصمت ياسين واولاده والولد اللي كان بيقلد اميتاب باتشان في الترام و جمال الدولي..للمزيد  

* احتفالات السكندريين بشهر رمضان

* احتفالات الإسكندرية بالمناسبات الدينية تختلف كثيرا عنها في بقية المدن والأقاليم 

لبس الوقفة

* وعلي سبيل المثال فقد كان يوم الوقفة له ملابس جديدة تختلف عن ملابس العيد 

 وكان الأطفال يقولون "لبسنا الوقفة"

*  وهكذا في بقية المناسبات ، حيث يحتفل السكندريون بـ"المواسم" عن طريق 

تناول مأكولات وحلويات خاصة 

*  مثل "فتح الفطير" 

طبق الملوخية

وطهي الملوخية الخضراء في موسم رأس السنة الهجرية 

كنوع  من التفاؤل 

طبق العاشوراء

وعمل طبق "العاشوراء" في موسم عاشوراء الموافق العاشر

 من شهر المحرم 

حلاوة المولد

وشراء حلاوة المولد المكونة من الحمصية وأقراص الحلوى

والعلف بأنواعه في جميع المواسم ...إلخ

ــــــــــــ

احنا الإسكندرانية

احنا الإسكندرانية اللي بنقول:

جبنة تركي ، وسدق ، ومستيكة 

فلافل 

وفلافل ، وشي ، وجومة ، ورشاقة 

تاكسي

وتاكسي ، ومشروع ، وإمة ، وجني... 

ـــــــ

الخنيني
* في عشق الخنيني ..السمك اللي في الصورة دا اسمه بالاسكندراني الخنيني.. موسمه بيكون شهر ابريل... وطبعا كل بلد ساحلية بتسميه اسم مختلف...ولكن... بصرف النظر عن المسميات.. كلها شكليات يا جماعة والله... خلينا في المهم..للمزيد

مشاكل الإسكندرية

ــــــــــــ

* أوجاع الإسكندرية

* إهمال مرفق الركاب

* ملابس داخلية على "شط إسكندرية"
* ماذا جرى لعروس البحر المتوسط؟(هدم القصور والفيلات)
* التعديات علي شواطئ الإسكندرية
* حاجة الإسكندرية إلي خط مترو أنفاق

الإسكندرية في الزمن الجميل

ــــــــــــــــــ

محطة سان استيفانو* فى حاجه حلوه اوووى فى الصوره دى لن يراها إلا من تربي فى الإسكندريه على الأصاله حد آخد باله منها؟!؟!؟!..للمزيدتعليق شخصي: كان كل البحر مفتوح للناس ، ومنين ماتاخد شمسيتك وتتجه نحو البحر تلاقي شاطئ تقعد فيه براحتك وتقضي يوم في منتهي الجمال

* الصورة لا تكذب! الصورة ديه تكذّب مقولة إن الإسكندرية ماكانش فيها شاطئ مجاني ، التي جاءت علي لسان اللواء جمال رشاد صباح اليوم عبر الإذاعة..للمزيد (لاحظ التعليقات التي تؤكد أن كل شواطئ الإسكندرية من أبو قير للأنفوشي كانت مجانية

ساعة الزهور* الإسكندرية خلال الستينياتـــ ذكريات الإسكندر انية عن الزمن الجميل ـــ

الإسمندرية زمان 

الكباين

* زمان فى اسكندريه كان فى حاجه كده حلوه اوى اسمها ( كابينه ) الكابينه دى طبعا فى ناس فاكراها وكانت تعتبر بيت صغير عالبحر وتتلم فيها العيله والصحاب والجيران من الصبح لاخر اليل ويتعمل فيها الاكل والناس كانت تبدا من المغرب تفرش الكراسى بره والطاوله ولمة الشباب بنات وولاد واطفال وسيدات ورجال وتلاقي كل كابينه جايبين الكاسيت بالاغاني والسهر.....البوست الأصل

* ناس الاسكندرانية كان زمان لهم عادات جميلة وطقوسي غربية: كنا في الصباح عايزين نفطر ياجدعان الي يجيب بسطرمة ويروح لبتاع الفلافل ويديلة البسطرمة أعملنا 10كبار...للمزيد

*  زمان كان فسحة البحر كده عند الاسكندرانية الجمال المزاج العالي: يلا نروح البحر كانت الشواطئ فضية مش ذى دلوقتي اولا الركت أو المضرب والكرة وايضا الكورة الكبيرة حا نلعب بيها داخل الميا وايضا كرة كبير كافر نلعب بيها علي الرملة...للمزيد 

أحد الشواطئ
* فاكرين الايام الجميلة لما كام البحر مفتوح للجميع بدون اي رسوم أو كافيتريات و كان كل بيت فيه الشمسية و كراسي البحر و يالا بينا علي الانفوشي ....الشاطبي .....استانلي ...جليم ....سيدي بشر .... العصافره أفلاطون ....المندرة ...كبائن عايدة ....المعمورة .....ليتها دامت

أيمن فاروقإسكندرية زمان ودلوقتي

 

* فاكرينها طبعا وعمرنا ما ننساها

وفي ليلي الصيف كانت الناس تقعد علي سور الكورنيش ، وفيه عائلات تقعد ع الرملة تاكل وتشرب وتتسلي وتسمع الكاسيت!

إهمال مرفق الركاب

ــــــــــــــــــــ

عربةالسيدات
* عربة السيدات في ترام الرمل..للمزيد

ترام الرمل
* ترام الرمل..خارج نطاق الخدمة
* ترام الرمل..عليه العوض! 

ترام الإسكندرية يبحث عن منقذ: بقلم أشرف الجبالي بالأهرام المسائي

اضراب النقل العام صورة ارشيفية وهي أشبه بالحالة وقت الإفطار

* بركات التدين التي حلت علي هيئة نقل الركاب

* abdelsalamisma3il on Twitter

“تعطل حركة مرفق نقل الركاب بالإسكندرية خلال صلاة الجمعة والإفطار في شهر رمضان وصلاة العيدين! لم يصدر قرار بذلك ، ولكنها سنة ابتدعها العاملون ف المرفق منذ السنوات الأخيرة لمبارك

7 قطارات متوقفة بين محطتي السراى وسيدى بشر لأ\اء صلاة الجمعة!

* واليوم قررت أداء صلاة الجمعة بنفس المربع السكني ، تجنبا لانقطاع المواصلات ، وعند خروجي من المسجد فوجئت بوقوف 4 وحدات ترام بركابها ، ما بين محطتي السراى وسيدى بشر ، و3 وحدات أخرى علي الجانب الآخر من الخط ، فهل تتصور السبب؟ لقد كان العمال يؤدون صلاة الجمعة في المسجد الكائن أمام محطة ترام سيدى بشر! وهكذا يكون التدين!. للمزيد

ترام الرمل

* الإدارة هي مشكلة المشاكل: النهارده وقفت علي محطة ترام ثروت أكتر من نصف ساعة ، في انتظار الترام التي تنقلني إلي محل سكني ، علي بعد محطتين بالضبط..ولما كنت أحمل في يدىّ الاتنين بعض المشتروات ، فقد اضطررت للانتظار ، بينما كانت القطارات تتوالي علي الجانب الآخر في اتجاه البلد!..للمزيد

TWITTER.COM

abdelsalamisma3il on Twitter

“ارتباك حركة ترام الرمل بسبب السماح للعمال بإيقاف الترام لحين أداء صلاة الجمعة مما يترتب عليه حدوث اختناقات في الاتجاهين طوال الساعات التالية وفي الصورتين تقف الترام بدون السائق

وحدات مفصلية من أوكرانيا

* ترام الرمل مش محتاج لشراء وحدات مفصلية..للمزيد

الترام الجديد في محطة سان استيفانو
* اليوم الأول للترام الجديد علي خط الرمل رأس التين سان ستيفانو ..... التذكرة ٥ جنيه/ تعليق: هو ده التطوير؟..المشكلة في الحركة!..للمزيد

اختفاء الزجاج الأمامي بسبب تراكم الأتربة

* شايفين البؤس اللي وصلت إليه ترام الرمل ، نتيجة لتراكم الأتربة علي سطحها الخارجي ، وامتناع عمال الجراج عن غسيلها بالخرطوم قبل خروجها ، كما كان يحدث قبل الثورة ، واستمرار الإهمال حتي الآن ، رغم استقرار الأوضاع وتعيين محافظ غير إخوانجي من أغسطس 2013 وهو اللواء طارق المهدى!

*تراكم الأتربة الملتصقة بالسطح الخارجي لترام الرمل بسبب التوقف عن غسلها بالماء في الورشة منذ ثورة يناير:  كيفية التطوير إلي الوراء!/ بينما استعدت الدولة بكل أجهزتها ، وخاصة المدن الخمس التي تقام فيها مباريات كأس الأمم الإفريقية ال 32 بحيث تظهر في أجمل صورها أمام الضيوف الأجانب ، ماتزال ترام الرمل تخترق أرقي الأحياء طوال خط سيرها وهي تحمل علي سطحها الخارجي طبقة كثيفة من الأتربة الملتصقة بجسمها المعدني..للمزيد

الإسكندرية في عهد اللواء عادل لبيب

ـــــــــــ

* * خدعوك فقالوا: الإسكندرية مدينة أوروبية!